Компанийн хамгийн чухал хөрөнгө болох харилцагч болон хэрэглэгчээ таньж мэдэхгүйгээр бизнесийг зөв удирдана гэдэг учир дутагдалтай. Учир нь харилцагч болон хэрэглэгчдийн зан төлөв хандлагаас шалтгаалан бизнесийн санаа, бүтээгдэхүүн хөгжүүлэлтээ сайжруулан зах зээлээ өргөжүүлэх боломжтой байдаг.
Худалдан авагчид нь бүтээгдэхүүн хэрэглэсэн хугацаа, сэтгэл ханамж, шийдвэр гаргахад нөлөөлөх хүчин зүйлс зэргээс хамааран өөр өөр мөчлөгт хамаарагддаг. Түүнчлэн тэдний туршлага нь ч ялгаатай. Тиймээс бүтээгдэхүүний мөчлөг, худалдан авагчтай огтлолцож, ямар нэгээ холбоо үүсгэж буй цэг бүрд (touchpoint) тэдний сэтгэл ханамж, хэрэглээг дэмжсэн инновацилаг санаанууд нуугдаж байдаг.
Хэрэглэгч, харилцагчийн судалгааг хоёрдогч тоон мэдээлэл болон худалдан авагчдаас авсан анхдагч тоон болон чанарын мэдээлэлтэй хослуулан боловсруулж гаргадаг. Худалдан авагчдаа 360 градус таньж мэдэн, тэдэнд тулгарч буй асуудал, шинэ хэрэгцээг тодорхойлсноор шинэ бүтээгдэхүүн хөгжүүлэх, одоогийн брэнд болон бүтээгдэхүүний стандартыг сайжруулах зэргээр бизнесийн боломжоо нэмэгдүүлэх боломжтой.
01
Хэрэглэгч, харилцагчийнхаа сэтгэл ханамжийг тогтмол хэмжсэнээр борлуулалтын гинжин хэлхээн дэх үйл ажиллагааны доголдол болон асуудлуудыг тодорхойлно.
Бид хамтрагчдадаа системтэй болон холистик аргачлалаар дамжуулан хэрэглэгч, харилцагчдынхаа туршлагыг сайжруулж, үнэнч байдлыг нэмэгдүүлэхэд тусалдаг.
02
Байгууллага харилцагчдаа хэн бэ гэдгийг нарийвчлан таних шаардлагатай. Үүнийг “Persona” гэж нэрлэх ба тэднийг ижил төстэй хэрэглээ болон хандлагын шинж байдлаас нь хамааран датад тулгуурласан категоричлохыг ойлгож болно.
Харилцагчийн сегментчлэл хийх нь бүтээгдэхүүн хөгжүүлэлт болон идэвхжүүлэлтийн шийдвэр гаргалтад чухал нөлөө үзүүлдэг.
03
Хүмүүсийн хэрэглээ өнөөдөр, маргааш өөрчлөгдөн шилжиж байдаг тул байгууллагууд энэ шилжилтэд мэдрэг байх хэрэгтэй. Хэрэглэгчдийн худалдан авалтын өөрчлөлт, хүсэл сонирхол болон хандлагыг тодорхойлж
хэрэглэгчдийн дуу хоолойг сонсоход уг судалгаа тусална.
04
Компанийн бүтээгдэхүүн үйлчилгээг авахад тухайн харилцагч болон хэрэглэгч ямар замнал туулж байгааг тодорхойлно.
Энэ судалгаа нь худалдан авагчийн компанитай харилцаа үүсгэж байгаа том зураглалыг харуулах ба үүнээс бүтээгдэхүүн үйлчилгээг авахад тулгарч буй асуудлаас эхлэн худалдан авсны дараах санал гомдлыг шийдвэрлэх механизмыг бүрэн хянах боломжтой болно.
05
Холбоо барих
